餐餐食沙律=瘦?

你同我身邊總會有朋友想減肥, 但佢哋嘅方法啱唔啱呢?會唔會弄巧反拙? 坊間有好多聲稱可以幫人減肥嘅例子, 包括:蘋果減肥法、蜂蜜減肥法、流質減肥法,甚至節食... 好多都唔夠營養同埋卡路里太低而有機會導致易暈, 集中力不足等問題。完成晒呢啲所謂嘅”療程”後, 體重反而會回升添...


近年好多貪靚嘅OL們帶起食沙律嘅熱潮, 每逢食lunch都會望住其他同事嘅lunch set... 然後再望望擺喺自己面前嘅沙律, 心諗:唔緊要啦, 忍下口啦, 想瘦就要付出架啦! 不過,其實大家知唔知道有時候食沙律可以仲肥過食一個餐? 隨便去間茶餐廳, 叫個雜果炸雞髀沙律,卡路里已經高達950! 如果再加多杯咖啡或者奶茶...哈哈真係想減肥都好難呀!



食沙律要食得健康都有幾項野要注意架。比三個貼士你哋啦~


Tips 1: 揀多啲唔同顏色嘅蔬果

顏色越豐富植物性化學物質(phytochemicals ), 佢哋可以幫助排走體內嘅毒素, 另外仲有抗衰老防癌等功效! 顏色多啲, 食都食得開心啲啦。


Tips 2: 選擇醬汁要謹慎

兩湯匙嘅千島醬同蛋黃醬, 分別已經有134卡路里同埋200卡路里( 相等於差唔多一碗飯)!! 根據美國膳食協會( American Dietetic Association) 嘅研究,凱撒沙律嘅脂肪量有50g, 熱量有650卡路里咁多添! 即係比起一份牛扒仲要高...所以我會建議一啲比較天然嘅醬汁,例如黑醋,檸檬汁等,熱量大大降低。


Tips 3:要識得揀沙律食材

食沙律都係想健康,清一清腸道嘅垃圾姐, 如果揀埋啲致肥食物,例如: 炸雞髀、煙肉、炸薯圈等,咁咪冇咗食沙律嘅原本意義囉。唔想淨係蔬果咁單調,不如試吓加啲雞肉同幾粒nuts啦, 順便可以補充番啲蛋白質呀嘛!


Leave a comment

Please note, comments must be approved before they are published